1. 網上有啲驗樓公司話驗樓一個多鐘左右，報告就即時畀，Simon 驗樓師，你又係唔係一樣呢？
     我驗樓一般需要三至四小時， 唔會只做啲門面功夫 ，敲下牆身，睇下櫃門有冇歪斜， 我仲會睇埋你 屋企嘅喉管，供電，冷氣 散熱系統， 假天花裏面所有嘅
     屋宇設備系統等等。 詳盡報告以 pdf檔案發送給你， 呢個報告一般有10~20頁，裏面會詳細講解所有defects 啲嚴重性，處理方案及專業分析，做個report約 5~8小時，絕不可能現場即時給你的。

  2. 我同事上次搵間驗樓公司 網上寫到非常專業，又有好多專業資格， 結果嚟驗樓嘅只係一個做part time嘅大專生，我怕會中伏！
     來科公司驗樓部分暫時都係我Simon驗樓師親自處理，大單位我就會帶多一個助理嚟幫手，你睇睇我啲資歷，經驗同專業資格，搵我Simon驗樓一定令你安心又放心。

  3. 上次我問個驗樓師，我屋企係唔係三相電，佢打開個電箱睇咗好耐， 好似唔係好識， 不過佢有驗樓師證書......  
     現在香港驗樓師還未有發牌制度， 所以你有信心都可以話自己係驗樓師出嚟搵食，當然有冇人搵你又係另一回事。坊間有好多驗樓師課程， 十堂八堂只可以教你一的基本嘅知識，絕不能一步登天。

  4. Simon驗樓師，你又有幾專業呢？ 仲有人哋收一千多，你貴好多喎！
    本人從事建築及裝修30多年，曾經長駐越南任酒店建設項目經理，經驗豐富，樓宇驗測，可謂手到擒來。
    以下為本人的專業資格及證書，所以搵我驗樓包你放心又安心，
   ✅ 香港屋宇及設備工程師學會
   ✅ 香港照明學會會員
   ✅ 註冊電力工程人員                 註冊編號 W052074         
   ✅ 一級水喉匠                           牌照號碼 01921              
   ✅ 專業驗樓培訓證書                香港樓宇檢驗學會
   ✅ 水管式鍋爐牌照                    牌照號碼 9756
   ✅ 業餘無線電台牌照                call sign VR2ZQR
   ✅ 木工機械技工一年制證書      職業訓練局 MH044278
   ✅ 樓宇粉飾技工一年制證書      職業訓練局 MH042578
   ✅ 鎖匠開鎖技能證書                證書號碼 LS-1122
   ✅ 分體式冷氣維修證書
   而家你屋企有乜頭暈身㷫，隨便去樓下搵個師傅嚟睇睇都收你三幾百蚊， 幫你整又再另計。 搵到啲中伏嘅驗樓師，到時一肚氣，自己驗都冇咁嬲，一分錢一分貨，呢個定律永遠是對的。

  5. 驗樓期間我使唔使一路在場呢？ 仲有驗完畀咗報告我，係咪要我自己同發展商跟進呢？
      驗樓期間，你可以一直在場，亦可以中途出去，完咗再返嚟或者唔返嚟都可以，悉隨專便。
       我畀咗報告你，你就要將份報告轉到發展商或者將defects加入佢哋個驗樓app裏面，發展商執漏完，你就要再到現場驗收，當然如果發現有問題，有啲地方
冇執，咁就要再次入紙。
     另外我哋有提供一站式服務， 即係驗樓報告我哋會幫你遞交畀發展商或者幫你入落app， 發展商執漏完成後，我會再到現場驗收，有問題再會向你滙報， 呢個額外服務另外收費。

  6. 買二手樓，發展商同現有業主又唔會幫我執漏維修，仲需要搵驗樓師驗樓嗎？
     買二手樓基本上有三個階段，你可以入到去睇樓
     6.1. 仲未落訂，又未決定買末，只係上去睇睇。
     6.2. 落咗細訂，未真正成交前，再上去睇睇。
     6.3. 正式成交後，攞埋鎖匙，成為新業主。

 基本上三個階段，都有客户叫我上去驗樓， 第一階段當然係最好嘅，因為你可以睇咗我嘅報告，然後先再決定買唔買，最怕係一啲化妝樓，其實內裏隱藏好多defects. 當然呢個好睇市場嘅供求情況，如果個盤好多人問，大家搶住要，咁業主就未必畀你上去驗樓。
    第二階段，上去驗樓就係可以畀你有啲心理準備，邊方面要整，邊方面要注意， 免得交樓後才決定就浪費時間， 仲有如果發現有一些問題同業主最初描述有所出入，就可以要求業主作出修正。
    到最後你做咗新業主， 除非你翻天覆地，風火水電，泥水做木油漆都做過， 否則最好搵個驗樓師睇睇， 因為二手樓，可能好幾伙人住過， 每次都作出更改，變數非常大， 最怕一啲潛在危險，大家都唔為意， 所以搵Simon驗樓師睇睇，當係買個保險一樣，幾百萬甚至幾千萬嘅樓，而家只要花三幾千蚊就令你住得安心又放心。

    7. 驗新樓同驗二手樓係唔係一樣呢？
       驗新樓與驗二手樓的過程大相逕庭， 唔單止係因為兩者所面對的結構和設備的不同，更因為它們在檢查的重點和所需的專業知識上有著顯著既分別。
       驗新樓的首要任務是確保所有設備及裝修的質量符合標準，通常涉及以下幾個方面：
   1. 設備運行狀況：檢查所有的電器設備和系統功能是否正常，包括冷氣、熱水器、電燈、插座等。例如每次驗樓我都會開洗衣機行一轉以確保供電是否正常，常及沒有漏水。
   2. 目測裝修defects：新樓的表面裝修應該經過內部檢查，但在某些情況下，仍可能會出現如裂縫、剝落等表面缺陷。因此，仔細檢查牆壁、地板和天花板的每一個角落至為重要。
   3. 設施的合規性：新建築必須符合當前的建築法例和標準。這包括防火安全設施、 供水排水系統等。

       驗二手樓與新樓相比，驗二手樓的挑戰要多更多。除了檢查設備和裝修，驗樓師還必須注意以下幾個因素：
   1. 設備老化：隨著時間的推移，二手樓的很多設備必然會出現老化現象，這可能影響其安全性和效率。例如，舊冷氣可能會消耗更多的能源，導致更高的電費以及冷凍量不足。
   2. 外在因素影響：二手樓所處的環境會對其維護狀況產生重大影響。比如，靠近海邊的樓盤可能會因潮濕和鹽霧而需要更頻繁的維修。
   3. 潛在的危險：如果業主在未經專業許可的情況下對單位進行改動，這可能隱藏著不少安全隱患。例如，隨意改動的水管，可能導致漏水或排水不良的問題，重的就是當年SARS 都是有一些不符合標準改動排水喉引致病毒傳播。
   4. 隱藏的缺陷：這些往往難以在目測發現的問題，可能需要專業的檢測儀器和經驗。例如，如果地板下的結構受到水分侵蝕，這在表面上看不出問題，但卻可能在未來造成嚴重損害。
       驗新樓和二手樓在程序和考量上有顯著的不同。前者相對簡單，而後者則需要更多的專業知識和經驗。因此，無論選擇那種樓盤，買家都應該謹慎行事，充分瞭解每一個細節，以確保自己的投資是安全同明智的。聘請專業的驗樓公司進行全面檢查。具備經驗的專業人士能夠識別出潛在的問題，並提供專業的解決建議，為美好的家居生活打下堅實的基礎。